كيف تصبح مواطنا اردنيا

كيف تصبح مواطنا اردنيا

بداية وحتى تصبح مواطنا أردنيا يجب عليك إتقان الكشرة الأردنية .. فهذا من أهم ما يميز الإنسان الأردني عن الإنسان العادي...!ـ

البوز الملوي والحواجب المعقودة وإذا نظر إليك أحدهم فقل له بكل استعلاء:

"أبوالشباب . ليش بتجحر بخلقتي .. مضيع بوجهي شلن؟" هكذا تكون قد قطعت شوطا كبيرا نحو الاردنة

تابعا للنقطة السابقة فلتسير على مبدأ ' اللي بيطلع عليك بعين .. اطلع عليه بنص عين يعني نظرة انقرافية بحته ...
كلك على بعضك مش شايفك '

تعلم فن التعصيب ... وأقل كلمه تطلع زيفك .... وعصب وصيح وانت بتحكي .. على شرطي المرور .. على الكونترول ... عشوفير التاكسي.. المهم تتهاوش هوشه يوميه .. وتحرق وراها بوكيت دخان المواطن الأردني إنسان كالصخر.. خارق للمنطق والعادة... ولا يخضع لأي عمليات حسابيه ...

نضرب مثال ..

--المواطن الأردني العادي بدفع اجار بيت 150 دينار ....
-- كهرباء ومي حوالي 20 دينار ....
-- عنده سياره قسطها الشهري 100 دينار ..
-- وترخيص على بنزين على زيت تقريبا بالشهر 150 ..
-- دخان ' بمعدل باكيت باليوم .. وهذا مش مدخن ... بيعفط تعفيط بس 50 دينار شهري-- احكي 150 أكل وشرب-- وحوالي 30 بالشهر بطاقات شحن ' إذا ما كان حبيب ... اذا كان بحب بده 100 دينار 50 له و 50 لحبيبته... ليش هي بتتنازل تشحن لحالها ...."حبيت تحكي اشحنلي ما حبيت فيه غيرك كتييير"صار المبلغ 650 تقريبا ... وهو كل راتبه 250 دينار..... كيف زابطه الله واعلم

حتى تصبح مواطن أردني يجب ان يكون لديك او امتلكت في يوم ما أو تحلم بأن تمتلك احدى السيارات التاليه :

كيا سيفيا ، هونداي اكسنت، زعراء ، نيسان سني (حصريا للتكاسي)، لف او 180 وانت بتلفها براحتك ..

المواطن الاردني مواطن يحب المظاهر .... يعني اذا لم يكن معك ولا قرش يجب أن تتعلم فن العرط ....

يعني مارس فن التشبير وعلق الهامر على جنبك وفضي بكيت الفيلادلفيا ببكيت مارلبورو حتى تكون مواطن اردني يجب أن يكون أحد أقرباءك من مواليد الف وتسعميه وتنكه له سن ذهب ..

حتى تكون مواطن اردني يجب أن يكون جدك قد امتلك نصف الشميساني أو عبدون فييوم من الايام ... وباعها بميتين ليره...

عليك أن تكون دقرا .. تعلم المداقره .... واحد دق عليك الباب احكيله مين ... بسيحكيلك انا ... قوله على طول: لا مش انت ... المهم تداقر شوي على أي موضوع حتى لو كنت عارف حالك غلطان ...

حتى تكون مواطن اردني يجب أن يكون لك واسطه في كل دائرة حكومية .. قرابه او نسب او صحبه او ابن عم خالة جدها لمرة جار اخوك ... المهم تمشي حالك

حتى تكون مواطن اردني تعلم فن التقسيط ...موبايل اقساط ، سيارة اقساط، اثاث بيت اقساط، جرابات اقساط ...
لازم يصفي من راتبك كل شهر 13 ليره لانه الباقي اقساط ! ....

وتعلم ان تجد كفيلا يكون 'خروف 'عشان يخصموا عليه هو ويخفف عليك شوي من اقساطك

مميزات المواطن الأردني:

راتبه الشهري 200دينار وبصرف 500 كيف بعرفش

متابع خطوط الموضة خط خط ،و اللوك الخارجي قبل كل اشي

فطور يوم الجمعة فول،حمص وفلافل والغدا يا مقلوبة يا منسف

نص السيارات بالطريق بسوقها بنات

اللي بربح جوائز البنوك دايما واحد منتف ،منين عندو رصيد أبعرفش

دايما فاضحيين الفقراء المستورين على التلفزيون ،قال بدهم يمدوا يد المساعدة

كل أب عندوا ثلاث في الجامعات واحد في أبعد جامعه حكومية واثنين في خاصة

فاتورة الكهربا تلت أرباع قيمتها مالوش دخل في الكهربا

تسعين يوم بالصيف بتقضيها في الأعراس والفاردات

لازم تعمل رحله لو مره في السنة يا لوادي شعيب يا لدبين وباقي الرحل المحلية للحدايق

كل عيله فيها واحد أو اكتر مغترب يا في الخليج يا في أمريكا

ما في مدرسه بنات إلا حوليها ألف شب ، واحد سايق زعره اكزوزتها مخزوق و سيستم تبع صالة أفراح

كل مواطن معو خطين موبايل، فاست لينك أساسي والتاني لبعد الساعه11 ولا واحد فيه رصيد لأنو الرصيد بينحكى فيه دفعه وحده

مزيعيين التلفزيون بتشوفهم من أول ما تنخلق لحد ماتموت

إذا انسئلت عن اسم فنان أردني بتزكرش الا عمر العبدللات

مشجعين القدم يا وحدات يا فيصلي

التسوق الشهري لازم من المؤسسة المدنية أو العسكرية

سهرات الصيف كلها على البرنده اللي على الشارع

كل الدنيا بتحسدنا على عدد عطلنا عشان هيك شطبوا كلهن

كيف الموضوع يا شباب ؟؟؟
إن شاء الله عجبكم
وأنا متأكد إنو كل الكلام المكتوب صح 100% ولاّ أنا غلطان
يلّى مستني ردودكم

ما قراتو كلو بس حلو شكرا

هاي المعلومه؟حححححححححححححححللللللللللللللللللللوووووووووووووووووووووهههههههههههههههه Exclamation

مش معقووووووووووووووووووووووووووووووووووووووووووووووووووووووووول
انسيت اهم شغلة فنون اكل المنسف
لازم بايدك اليمين
اذا مش بايدك ما بكونش منسف
ولازم يكون في لوز وصنوبر وبقدونس وخبز شراك
واهم شي جميد كركي لازم وانت توكل ماتحكي
ولازم تكون بتوكل باليمين
والشمال ورى ظهرك

طبعا منسف عجاج ما بنفع لازم لحمة بلدية
_____________________________________________________________________

وبعدين بخصوص ما في غير عمر العبدللات

لعاد وين راح

حسين السلمان

هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههاي
هههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههاي

وبعدين شو حبيبته وما حبيبته حنا النشامى ما نعرف هالسوالف

لا والله بس موضوعك جدا جمييييييييييييييييييييل يا معدي

شكرا ياكرم على الرد ويا ريت تقرأو كلو رح يعجبك

وشكرا الك يا عبود على الرد

وانت يا خصاونة عاد بالنسبة للمنسف هذا بدو موضوع لحالوا تركتو الك
وتبعت عمر وحسين لا صدقني ما بميزو الا عمر
واما بالبنسبة للحبيبيه فما يغرك هذا اصلا اكتر اشي يا حلو

شكلك ما فهمتني

انا بتخوت انه ما في الا عمر وحسين

ههههههههههههههههها من شان هيك كاتبلك ههههههههههههههههههها

يا جميل

وبعدين موضوع اللي بحب هذا مو اردني هادا متمدن جديد وصاير طنط

اه ما هو الكل صايرين طنطات
ومش مشكلة بالنسبة لعمر وحسين يلّى اضافة حلوة للموضوع

جميل

ان يا عبد كله عندك
جميل